Tag Archives: Design

Prosjekteksamen 10 – cdcover, igjen

15 Jan

No leikar eg meg med ein meir enkel og personleg design til coveret. Med tanke på kva det skal nyttast til i mitt tilfelle, vil eg jo sjølvsagt takka kundane mine for at dei nyttar seg av det eg tilbyr, og dermed eit takk. Får laga litt variantar av denne, tenkjer å legga til «for samarbeidet» eller kanskje det vert for cheezy, testar det ut. Nærmar seg jo eksamen og no, så det er berre å peisa på. Håpar eg får filmen min i havn til dess – no er det kun den som gjenstår, i tillegg til finpuss på cdcoveret og rapporten. Fleskar seg!

cover_hildring_02

Advertisements

Prosjekteksamen 9 – cdcover

11 Jan

Dette er mitt første utkast til cd-coveret som også føl med i eksamensoppgåva. Her er framsida. Baksida blir pryda med kontaktinformasjon tenker eg. Eventuelt 3×3 boksar med bilete (eller berre eitt illustrerande) – alt etter kva som er innhaldet på cden.

Eg har arbeidd ut frå min stil – retro light – og er her inspirert av enke geometriske former. Fargane er henta frå logoen, og komposisjonen ynskjer eg skal fungera uansett kva som er føremålet med cden. Altså – i eksamensoppgåva står det at cd-coveret skal designast og at innhaldet på liksomcden er sjølve nettstaden.

Eg tenker jo då at når eg først lagar eit cdcover, er det jo kjekt å kunna nytta coveret til dei andre prosjekta mine der eg gir frå meg cdar. Til dømes originalar, bryllupsbilete, kopiar m.m. Eg heller vel litt mot diskett med den vetle papirbiten øvst, det tenker eg som eit felt der ein kan skriva på kva cden inneheld.

Og eg tenker meg eit slikt cover som ein berre glir cden inni. Veit no ikkje kva dei heiter, men sånn hardpapp iallfall.

Tja. Men eg er berre i ideprøvingsfasen no, så her kjem sikkert fleire døme. Liker å ha ein personleg touch på dei tinga eg leverer frå meg. Anten ei lita helsing eller ei teikning eller, ja. Ei av mine styrkar i bedrifta mi er jo at all kommunikasjon vert personleg og nær. Det er jo eg som har alle oppgåver i verksemda, og eg vil følja opp kundane mine med eit slikt personleg nærvær. Då er det ekstra fint med nokre slike gestar. Trur eg.

Kanskje eg skal få meg eit stempel, og berre stempla logoen min på heller.. Og legga meir vekt på papiret cdcoveret vert laga i… Eventuelt gi det ein struktur. Eg er glad i struktur. Eg prøver det som neste utkast.

Her er nr 1.

cover_hildring_01

Prosjekteksamen – 6.2

5 Des

Ein ny wireframe. Eg endar vel godt mogleg opp med å gjera om heile komposisjonen, tykkjer atm at det er for lite luft, for …statisk, og måten eg har prøvd meg ut med :hover på denne – vel… eg måtte jo sjå korleis det fungerte. kan jo kanskje få til noko kult med det, men eg får stirra det i hel først.

Eg ser jo også no at det vil vera veldig ulike bilete – og det er nøydd å sjå bra ut. Det vil kanskje ikkje fungera å legga skugge på boksane, men kanskje eg skal laga større mellomrom mellom, så poppar dei litt meir kvar for seg, på ein måte.

Uttrykket får meg til å sakna litt «fri» for augene. Lysare bakgrunn kanskje?

Wireframe 2;

 

hildring_wireframe_02

Prosjekteksamen – 1

13 Nov

 

I prosjektplanen min har research og ideutvikling som tema, denne veka og førre veke. Prosjektstart 5.11, og eg skal levera inn 25.01. Visjonen min med heile nettstaden er:

Å laga ei innovativ nettside som er både informativ og underhaldande/estetisk interessant.

Sidan eg skal laga webside for meg sjølv og mi vetle verksemd, veit eg jo allereie kva eg likar og har ein del referansar. Eg prøver å i større grad forstå kvifor eg liker desse sidene-designa-presentasjonane, og her er eit knippe løysingar som har ulik verknad på meg, alle med positive forteikn.

Her er nokre inspirasjonskjelder.

1. TIM WALKER

For det første er dette ein fotograf som er heilt fantastisk inspirerande. Eg har ikkje ord for det han klarar å produsera, og her eg superfan. Uttrykket hans er provoserande, barnsleg, utforskande, grensesprengande, magisk… Og videoane like eins.

Nettsida hans fortel dette, og index-sida er berre dette biletet som ein slags «velkommen-knapp» som tar brukaren vidare inn til innhaldet. Eit veldig enkelt og superfengande «Hei!». Eg likar det muchos.

 

2. BENDIK KALTENBORN

Ein av mine favorittillustratørar. Den enkle, naive streken fengar, og med denne sida har han klart å ha ein heilskap som fortel om kven denne karen er. Med å bruka enkle menyar, er det sjølve arbeidet hans som vert tydeleg og skapar merksemd. Han gjer seg sjølv den absolutte center of attention. Smart, Kaltenborn!

Her kjem også denne leikenheita fram. Det naive, utprøvande, humoristiske. Element eg diggar, og som eg ynskjer at mine sjåarar også skal få oppleva. Humor er genialt.

 

3. KATIE EVANS

Katie Evans er også ein illustratør, som gjer diverse saker – print/emballasje design, webdesign, styling… Ho har eit breidt spekter, og eg har sett nærare på korleis ho fremjer sakene sine.

Det gjer ho enkelt og greitt med ein slags bilde-for-bilde portfolie, noko som igjen fører til at sakene ho lagar får fullt fokus. Eg tenker jo litt på at sjølve nettsida mi også skal vera ein av mine (!!!)-faktorar, og eg trur kanskje eg legg litt mykje i akkurat det. Så med å laga eit enkelt design – strippa for alle unødige element – kjem produkta fram.

Og med å laga ei nettside der produkta kjem tydeleg fram – vil ikkje det då vera eit killer webdesign?!

4. RYO KOBO

Dette er ein særs spanande fotograf, som har eit nesten okkult uttrykk. Eg veit ikkje om eg diggar sida hans, for det er ei rein flashside, og den kan trøbla seg litt har eg opplevd, men måten han har sett saman elementa på her, tykkjer eg er smakfullt og spanande.

Her er vel eit godt døme på at flash kanskje ikkje alltid er den beste platforma, men ein kan få til spanande galleri ved å nytta flash – utvilsomt. Utfordring her med å få vist bileta skikkeleg fram. Flashscena er ikkje særleg stor – sikkert for å fungera på sjølv små skjermar, men dette er ikkje noko eg ynskjer for mine viktige bilete iallfall. Spennande uttrykk dog – litt mystisk, veldig enkelt.

 

5. KELLEY LILIEN

Her er ein stil eg likar, og som kanskje ikkje er så fjern frå min eigen personlege stil. Lilien er designar som fokuserer mest på logo, kampanjar og emballasje, så ho har eit ok fokus å presentera. Det gjer ho i ei flashside, som her fungerer superbra. Kanskje ei av dei mest brukarvenlege sidene eg har vore borti, som er basert på flash – og kun flash.

Her er ein konsekvent og stram oppbygging, og arbeidet hennar ligg som eit ope galleri på index. Eg veit ikkje heilt om eg likar den gule ramma rundt – for den er det for det første ikkje plass til på min skjerm (som er ganske stor), samt at den kanskje ikkje bidrar til noko verken funksjonelt eller visuelt.

Likevel veldig kjekt å sjå korleis ein kan få eit flott galleri, med god heilskap og ein behageleg layout. Innholdsmessig er denne litt lite informativ i forhold til korleis eg skal laga mi eiga side, men absolutt grei å ha i inspirasjonsbunken.


 

6. KELLI ANDERSON

Så over til ei av dei STORE inspirasjonskjeldene mine. Kelli Anderson kom eg over på designworklife, og ho er så innovativ som ingen andre eg veit om når det gjeld design. Både web, print, alt i verda. Ho lagar platespelarinvitasjonar av papir.. Det er heilt unikt. Sjekk ho ut, det er det vel verd.

Og med mi side vil eg jo vera litt innovativ. Litt sprø. Litt overraskande. Unik, trur eg er nøkkelordet. For kven ynskjer ikkje å føla seg unike. Om eg skal laga ei webside for ei verksemd vil dei jo heilt sikkert ynskja å skilja seg ut. Og då må ein vera unik. Innovativ.

Nettsida hennar eg full av mønster, prosjekt, informasjon og sjølv om det visuelt kan virka litt rotete å koma inn på sida der, er den brukarvenleg til tusen. Eg diggar spesielt index-sida hennar, med kart over arbeid ho har gjort. Det er ein supergøy ide! Ønskar at den var min.

 

 
7.KEVIN RUSS

Dette er jo ei tumbl-side. Fotografen er inspirerande og eg kan lett gløyma tid og stad når eg vitjar sida hans. Men greia med mr. Russ er jo at eg likar denne måten å visa arbeida sine på. Tumbs up for tumblr. Men sjekk gjerne ut Kevin Russ likevel. Han er så flink.

Prosjektbeskriving levert

4 Okt

– so då ventar eg spent på tilbakemelding. Eg føler jo kanskje at eg har tatt meg ørlite vatn over hovudet, men eg har altså lagt inn eit moment om å laga reklamefilm. Og då har eg ikkje laga ein einaste film i heile mitt liv. Men eg har ein visjon om at eg kan klara det, samt ein visjon om å læra å laga film, samt ein visjon om at eg SKAL pusha grensene mine for kva eg kan klara. Og då er det på sin plass å laga ein liten film.

Elles er det snart dags for ein ny runde med NM i foto, og eg er klar med nye bilder. Har fått ein del tilbakemeldingar på bileta frå både fotoklubb og andre, så eg har iallfall eit utval eg kan sei meg nøgd med. Sjølvsagt er det mange bilete eg enno har til gode å ta (feks meg, kamera og stativ i Roma og Paris – stay tuned, det SKAL skje), og eg gler meg til resten av den kreative utviklinga mi. Må den aldri stoppa opp!

Dessutan har eg skrive ein artig sak om ei gammal husholdningsbok og gamle oppskrifter, og sjølvsagt fått ein del bilete frå dei og. MYKJE fenomenal lesing der altså! Spent å sjå korleis det vert på trykk.

Rosemønster

28 Jul

Eg er veldig glad i å laga mønster, og i dag høvde det godt med noko slikt. Det vart mønster utav eit bilete av ei av rosene i hagen, saman med trekantmønster i nedtona, men kjekke fargar. Eg er inspirert av kelimmønster om dagen, tykkjer det er heilt supert at desse flotte mønstera er blitt poppis igjen.

Eg føler eg kan kalla dette ein liten serie, her med grønt og gult som utgangspunkt. Mønstera er laga i photoshop og illustrator.

iPad-cases

23 Jul

Eg har litt lerret liggande, og no har eg funne ut at eg skal laga iPad-vesker av det. Det, og gamle tjukke klede som ellers vil bli kasta. Har ein del måling liggande og, og det er godt å få brukt stasjet mitt på kreative greier.

I dag har eg laga prototypen, der eg har funne ut meir om korleis eg vil gripa prosjektet an. Syns prototypen vart sjarmerande, sjølv om saumane gav meg litt hovudbry. Er vel nokre år sidan eg sist sat ved symaskina, og det var eit triveleg gjensyn.

Slik vart iallfall prototypen.

This slideshow requires JavaScript.