Tag Archives: prosjekteksamen

Prosjekteksamen 12

21 Jan

No har eg redigert og lagt på tekst og lyd. Eg tykkjer det er ein sjarmerande film, og all den tid eg ynskjer å gi potensielle kundar ei kjensle av at #ho der må vera kul å jobba med, måtte det bli noko som dette.

Eg har vore ganske i stuss om locationen, ein skrå bakke og litt klussete bakgrunn. Men eg har tenkt som so at det er jo slik her, bakkar og fjell. Eg vil samstundes at min vetle film skal seia noko om kor eg høyrer til. Og det er jo på ein gard – noko av det som er spesielt med verksemda. Dersom eg hadde hatt ein svææær vegg med mange ulike dører i – og der eg vimsa inn ei og ut ei anna – då hadde eg heller nytta den trur eg, men igjen – då hadde eg tatt verksemda utav konteksten, og in the end hadde eg ikkje kunna forsvara slike kulissar heller.

Poenget mitt er vel det eg er mest nøgd med – du har eit prosjekt – du er usikker på kva du skal gjera – hildring er/har svaret. Er vel ei grei reklameoppbygging det. Men eg tenker jo på det… det vil kanskje treffa dei som vil bli sjarmert, men eg veit ikkje om det vil treffa dei som er ute etter noko unikt og superproft. Men igjen. Det er min første film, og eg tykkjer eg har fått det greit til.

Eg ville spela litt på humor, og nytta den monokrome fargepalletten som eg også har nytta i nettsidedesignet mitt – difor svartkvitt, og difor litt stumfilminspirert redigering. Er glad i britisk humor, og Benny Hill er vel brent fast der han spring i badedrakt over dei grøne bakkane. Kult! Slikt blir ein inspirert av.

Og musikken. Her har eg tidlegare vore inne på Soundcloud og lasta ned låtar som har lagt ute fri til bruk – i tidlegare studieoppgåver. Eg nytta ein av desse, då den passa godt til filmen min, stilmessig og med stemninga.

Vel. Den ligg      HER

Prosjekteksamen 11

16 Jan

Jaiks. I dag ber det ut for å filma.
Artdirector: eg
Filming: eg
Skodespelar: eg
Klipp og regi: eg
Idè: eg
Propmaking: eg

Mhm. Gjer det jo artig for meg sjølv.

Mine tre scener:
1 – intro av kva eg tilbyr, gjort om til spørsmål om kva den potensielle kunden treng.
2 – visualisering av alle retningar eit prosjekt kan ta – kva retning tar ditt prosjekt?
3 – punchline.

Eg trur på idèen min, og håpar eg får klipt saman delene på ein smoth måte. Eg håpar eg får fram litt humor, og at eg klarar å fri til publikum på ein likande måte. Håpar mine studiepoeng frå drama får bein å gå på, samt mine kunnskapar om litterære verkemiddel og oppbygging av ei forteljing. Dramaturgiske verkemiddel og location… eg blir heilt spent av meg sjølv. Korleis skal dette gå?

*pust inn – pust ut* Here goes! Stay tuned.

Prosjekteksamen 10 – cdcover, igjen

15 Jan

No leikar eg meg med ein meir enkel og personleg design til coveret. Med tanke på kva det skal nyttast til i mitt tilfelle, vil eg jo sjølvsagt takka kundane mine for at dei nyttar seg av det eg tilbyr, og dermed eit takk. Får laga litt variantar av denne, tenkjer å legga til «for samarbeidet» eller kanskje det vert for cheezy, testar det ut. Nærmar seg jo eksamen og no, så det er berre å peisa på. Håpar eg får filmen min i havn til dess – no er det kun den som gjenstår, i tillegg til finpuss på cdcoveret og rapporten. Fleskar seg!

cover_hildring_02

Prosjekteksamen – 7

12 Des

Litt work in progress-bilder. Eg føler eg er inne på noko bra her. Har hatt ein revurdering på fargeskalaen, etter å ha dratt strikken vel langt. Greit å overdriva – då kjem svakhetane og evt styrke med elementa fram. I mitt tilfelle var det svakhetane som vart forsterka. Dette er tross alt ikkje på leik – det er både nettsida mi (big deal!!!) og eksamen (også big deal!!!).

Så slik som dette ligg eg altså an.
(og for nerdar der ute – samt andre med interesse for utviklinga – har eg sida liggande i prosess-modus – dei som vil kan følgja med på kva eg dullar med as I go. Dette er ei vurdering eg har tatt pga at folk er genuint nyfikne, og eg ynskjer at dei som googlar/søkjer meg opp, skal finna noko å bli informert av.)

Denne ideen gjorde meg klokare. Dropp den raude fargen, pøs på med LUFT! Deilig luft!

Denne ideen gjorde meg klokare. Dropp den raude fargen, pøs på med LUFT! Deilig luft!

 

Litt meir koding som skal til, og på denne sida jobbar eg med eit kart. Spennande.

Litt meir koding som skal til, og på denne sida jobbar eg med eit kart. Spennande.

 

Mhm. Behagelege fargar! Greit med ein nøytral bakgrunn, og rolege med glade og energiske fargar. Symboliserer ro, balanse, liv og leik.

Mhm. Behagelege fargar! Greit med ein nøytral bakgrunn, og rolege med glade og energiske fargar. Symboliserer ro, balanse, liv og leik.

 

Prosjekteksamen – 6

4 Des

Ein av mine wireframes. Det ligg mange tankar bak dette når det kjem til funksjonalitet og fiffige buttons og slikt, så dette er berre eit utkast. Og eg har nokre fleire idear eg må testa ut, så det vert kanskje endringar enno. ….det vert garantert endringar…. men eg tykkjer ikkje det ser så aller verst ut heller.

Grunnen til at det første biletet er raudt er t.d. at det indikerer at ein held pila over biletet. Då kjem forklaring fram, og når ein trykker, skal desse føra ein over i eit galleri/ny side med stort bilete, meir forklaring om arbeidet osv. Usikker på menyane… Dei skal eg gjera noko med. Og knappane til sosiale medie skal endrast – la det berre slik inn no.

wireframe_hildring_01

Prosjekteksamen – 4

26 Nov

MOODBOARD

No har eg laga meg nokre moodboards, eitt for stil, eitt for fargepalett og eitt for typografi. Eg kallar temaet mitt for Retro-Light, ein stil eg diggar og som eg gjerne vil assosierast med.

Sjølv om eg også diggar det minimalistiske og stramme – og som jo er ein av stilane som er veldig «in» atm, og tidlaus ikkje minst, vil det ikkje vera det rette for meg. Ein stil lik Heydays t.d., som eg oppfattar som moderne og skarp, og eg kunne godt likt at eg hadde ein slik stil. Men på same måte som eg ikkje kler å gå med hotpants, vil heller ikkje ein stram stil funka i mitt tilfelle. Det er kult, men it just doesn’t fit!

Når eg går for ein stil i retro-light, vil det vera enklare for meg å gjera små justeringar i designet i det lange løp, for det er den stilen eg har – både i interiør, kle, musikk, bloggar eg føl, tutorials eg prøver meg på, bilete eg tar, osv. Eg er då tru mot min eigen stil, og eg vil at andre skal oppfatta meg slik.

Som utgangspunkt i desinget, nyttar eg sjølvsagt Hildring-logoen. Dermed har eg ein turkis/sjøgrøn hovudfarge, og den tenker eg vil høva godt saman med oransje og raudtonar. Lekkert og kontrastfullt. Dette er livlege fargar som symboliserer glede, leik, lidenskap. Den grøne er ein litt krisp farge, som roar ned designet, symboliserer liv, ro og balanse. Heilt i mi gate.

Eg held fram med ein litt enkel geometrisk fonttype – som i logoen; det geometriske vil fungera som ein liten kontrast til dei varme fargane, det formfulle i retrostilen, samstundes som det bind elementa saman på ein heilt ok moderne måte.

Eg vil også bruka litt tekstur, iallfall laga ein bakgrunn i ein avdempa fargetone. Prøva å skapa litt dybde i sidene, evt med skugge og andre effektar inspirert av moodboardene mine. Dette er for å få ein heilskap over sidene, stilen, temaet og vera med på å skapa blikkfang og gjera sidene interessante. Det er iallfall det eg ynskjer.

Her er moodboardene mine. Stil – farge – typo.

Prosjekteksamen – 3

21 Nov

Førebuingar og storyboard til promofilm. Jepp. Eg har nokre tankar, og eg held på å tenka meg fram til ulike måtar å disponera filmen min på. Eg har funne litt inspirasjon rundtom, og nokre av dei som inspirerer meg er

MODSHIFT

TIM WALKER

PF FLYERS

For å nemna nokre, altså. Modshift lagar både informative og meir kunstnariske småfilmar. Små intervju og slikt. Her er eg veldig inspirert av den noko retro-viben han tileignar filmane sine, og eg likar redigeringa alot. Han er kjærast med Bri Emry i Designlovefest, ein designblogg som eg også likar. Kjekke saker, fint design, mykje inspirasjon og alt. I like!

Tim Walker har eg jo nemnd i ein tidlegare post, og videoane hans blir mellom anna brukt i store motekampanjar – editorials. Fancy at det er nokon i bransjen som ynskjer å vera heilt totalt unike. Å våga å vera heilt sprø, og bli elska (eller hata) for det. Eg er inspirert av kreativiteten, men eg trur eg må tøyla meg litt i min eigen film, slik at den ikkje vert så smal. Her skal ein jo nå ut til bedrifter som skal kunna ønska å bruka meg i prosjekta sine, so eg må passa på å tilpassa meg mine potensielle kundar.

PF Flyers kom eg over på designworklife, der eg finn mykje inspirasjon og orienterer meg litt på trender innan design, foto og illustrasjon mm. PF flyers sine filmar er ein del av ein kampanje om den ekte amerikanske stilen, og eg likar stemninga, fargane, komposisjonane i desse. Dette er jo kampanjefilmar, og eg trur dette kan vera ei god inspirasjonskjelde for meg når eg skal formidla min bodskap. Tydeleg, heilskapleg og fint.