Tag Archives: illustrasjon

Prosjekteksamen – 8

8 Jan

Jobbar med eksamen. Og alt mogleg anna. No har eg ein klar ide om korleis eg vil gjera reklamefilmen.
Slit med footerplassering, men det ordnar seg vel til slutt. No er den berre #hidden.

Elles hatt ein finpuss på logoen. Gamal versjon på sida her – eg har altså endra litt på tjukna til H’en, endra fonten under og friska opp fargane.
LOGO_WEB

Elles har eg laga ein illustrasjon som syner kor verksemda befinn seg på kartet. Eg har lagt til nokre visuelle element som er med å plassera meg blant andre nære verksemder; Spar, Schat harding, Krepsehalen og hardangerfjordekspressen Rødne.

kart

Elles har eg laga ein del illustrative element med blåfargen over som knappar til nokre sider.

frontimg_design frontimg_foto frontimg_illustrasjon frontimg_tekst

Advertisements

Prosjekteksamen – 1

13 Nov

 

I prosjektplanen min har research og ideutvikling som tema, denne veka og førre veke. Prosjektstart 5.11, og eg skal levera inn 25.01. Visjonen min med heile nettstaden er:

Å laga ei innovativ nettside som er både informativ og underhaldande/estetisk interessant.

Sidan eg skal laga webside for meg sjølv og mi vetle verksemd, veit eg jo allereie kva eg likar og har ein del referansar. Eg prøver å i større grad forstå kvifor eg liker desse sidene-designa-presentasjonane, og her er eit knippe løysingar som har ulik verknad på meg, alle med positive forteikn.

Her er nokre inspirasjonskjelder.

1. TIM WALKER

For det første er dette ein fotograf som er heilt fantastisk inspirerande. Eg har ikkje ord for det han klarar å produsera, og her eg superfan. Uttrykket hans er provoserande, barnsleg, utforskande, grensesprengande, magisk… Og videoane like eins.

Nettsida hans fortel dette, og index-sida er berre dette biletet som ein slags «velkommen-knapp» som tar brukaren vidare inn til innhaldet. Eit veldig enkelt og superfengande «Hei!». Eg likar det muchos.

 

2. BENDIK KALTENBORN

Ein av mine favorittillustratørar. Den enkle, naive streken fengar, og med denne sida har han klart å ha ein heilskap som fortel om kven denne karen er. Med å bruka enkle menyar, er det sjølve arbeidet hans som vert tydeleg og skapar merksemd. Han gjer seg sjølv den absolutte center of attention. Smart, Kaltenborn!

Her kjem også denne leikenheita fram. Det naive, utprøvande, humoristiske. Element eg diggar, og som eg ynskjer at mine sjåarar også skal få oppleva. Humor er genialt.

 

3. KATIE EVANS

Katie Evans er også ein illustratør, som gjer diverse saker – print/emballasje design, webdesign, styling… Ho har eit breidt spekter, og eg har sett nærare på korleis ho fremjer sakene sine.

Det gjer ho enkelt og greitt med ein slags bilde-for-bilde portfolie, noko som igjen fører til at sakene ho lagar får fullt fokus. Eg tenker jo litt på at sjølve nettsida mi også skal vera ein av mine (!!!)-faktorar, og eg trur kanskje eg legg litt mykje i akkurat det. Så med å laga eit enkelt design – strippa for alle unødige element – kjem produkta fram.

Og med å laga ei nettside der produkta kjem tydeleg fram – vil ikkje det då vera eit killer webdesign?!

4. RYO KOBO

Dette er ein særs spanande fotograf, som har eit nesten okkult uttrykk. Eg veit ikkje om eg diggar sida hans, for det er ei rein flashside, og den kan trøbla seg litt har eg opplevd, men måten han har sett saman elementa på her, tykkjer eg er smakfullt og spanande.

Her er vel eit godt døme på at flash kanskje ikkje alltid er den beste platforma, men ein kan få til spanande galleri ved å nytta flash – utvilsomt. Utfordring her med å få vist bileta skikkeleg fram. Flashscena er ikkje særleg stor – sikkert for å fungera på sjølv små skjermar, men dette er ikkje noko eg ynskjer for mine viktige bilete iallfall. Spennande uttrykk dog – litt mystisk, veldig enkelt.

 

5. KELLEY LILIEN

Her er ein stil eg likar, og som kanskje ikkje er så fjern frå min eigen personlege stil. Lilien er designar som fokuserer mest på logo, kampanjar og emballasje, så ho har eit ok fokus å presentera. Det gjer ho i ei flashside, som her fungerer superbra. Kanskje ei av dei mest brukarvenlege sidene eg har vore borti, som er basert på flash – og kun flash.

Her er ein konsekvent og stram oppbygging, og arbeidet hennar ligg som eit ope galleri på index. Eg veit ikkje heilt om eg likar den gule ramma rundt – for den er det for det første ikkje plass til på min skjerm (som er ganske stor), samt at den kanskje ikkje bidrar til noko verken funksjonelt eller visuelt.

Likevel veldig kjekt å sjå korleis ein kan få eit flott galleri, med god heilskap og ein behageleg layout. Innholdsmessig er denne litt lite informativ i forhold til korleis eg skal laga mi eiga side, men absolutt grei å ha i inspirasjonsbunken.


 

6. KELLI ANDERSON

Så over til ei av dei STORE inspirasjonskjeldene mine. Kelli Anderson kom eg over på designworklife, og ho er så innovativ som ingen andre eg veit om når det gjeld design. Både web, print, alt i verda. Ho lagar platespelarinvitasjonar av papir.. Det er heilt unikt. Sjekk ho ut, det er det vel verd.

Og med mi side vil eg jo vera litt innovativ. Litt sprø. Litt overraskande. Unik, trur eg er nøkkelordet. For kven ynskjer ikkje å føla seg unike. Om eg skal laga ei webside for ei verksemd vil dei jo heilt sikkert ynskja å skilja seg ut. Og då må ein vera unik. Innovativ.

Nettsida hennar eg full av mønster, prosjekt, informasjon og sjølv om det visuelt kan virka litt rotete å koma inn på sida der, er den brukarvenleg til tusen. Eg diggar spesielt index-sida hennar, med kart over arbeid ho har gjort. Det er ein supergøy ide! Ønskar at den var min.

 

 
7.KEVIN RUSS

Dette er jo ei tumbl-side. Fotografen er inspirerande og eg kan lett gløyma tid og stad når eg vitjar sida hans. Men greia med mr. Russ er jo at eg likar denne måten å visa arbeida sine på. Tumbs up for tumblr. Men sjekk gjerne ut Kevin Russ likevel. Han er så flink.

Iha!

22 Okt

No er prosjektbeskrivinga mi til eksamen godkjent og klar. Det er berre å hiva seg i gong med mekking av sider, portfolie og reklamefilm. Huhei! Eg har i beskrivinga mi lagt vekt på at eg vil ha ei innovativ side som illustrerer kven Hildring er – altså mi eiga verksemd, og kva som vert tilbydd. Håpar eg klarar å strippa nettstaden for irrelevante ting, noko som kanskje har vore ein av mine utfordringar som designstudent. Eg legg til element som ikkje har noko grunn for å vera der, og då vert det …rotete… og irrelevant.

Har nokre sider som er mine hovudinspirasjonar både når det gjeld utforming og innhald, stay tuned. Her er interessante saker på g.

Men først lyt eg gjera mappa ferdig. Har enno ikkje laga banneret som skal lenka til denne bloggen, men trur eg veit korleis eg vil ha det, og då går det fort. Og eg har jo enno ti dagar på meg… (jikes!)

Elles har det jo skjedd trivlege saker i livet, mellom anna er puseillustrasjonen min «Lykke til» valt ut som eitt av bidraga i Den store kortsamlinga 2012, som eg skreiv om her. Artig å spre sine illustrasjonar litt rundt om kysten! Meir av det!

Og so har eg ein spanande brief på onsdag, der eg kanskje får ein superspanande jobb for ein kjempeartig kunde, og eventuelt skal arbeidet mitt visast til kjempemange menneske, så dette er ein eg vil satsa på! Håpar dei tenkjer det same om meg… !

Og so skal eg laga eit banner som skal henga ute i Rosendal og reklamera for den komande Apejungelen (del av RIFparken, som eg har laga logo til). det vert kjekt å sjå mine greier pryda nærmiljøet 😉

Og so skal filmen eg laga om Gravdal Skipsbyggeri visast på rorbu-kveld på Sunde til helga, i regi Sunde Kyst- og Litteratursenter. Dei skal ha dugnadsfest og filmen min er ein del av underhaldninga. Stas. Det ballar på seg!

Ting skjer. Eg tykkjer det er fett. Feirar livet med eit bilete frå himmelen over Beograd.

 

Og i mellomtida

10 Okt

.. ja, i mellomtida har eg vore opptatt med andre saker. Mellom anna levert nokre bidrag til Baluba Illustrasjon si store kortsamling – eit årvisst illustrasjonsprosjekt dei steller i stand. Artig. Det gjenstår å sjå kven dei vel til samlinga, men det gir iallfall ny inspirasjon å vera med på slikt, uansett utfall.

Eg har også levert bilder til NM i foto, NSFF sin landskonkurranse har skifta namn, og no har dei frist 15.oktober. Kan ikkje noko for det, men eg er spent på korleis bileta mine vert vurdert..


Elles held eg på å jobba med nokre saker til eit magasin – Draumen om Folgefonna, som skal ut 1.desember.  Har ein mnd på meg til deadline no, og ein del eg skal få gjort til dess. Noko er allereie i boks, men so var det resten då.. Går seg til. Deadline er eit søtt dyr.


Ja, og so er det jo eksamen… og mappeinnlevering. Her er eg nesten i boks, treng framleis berre eit banner, samt å legga ut nokre øvingsoppgåver og litt knask. Og sjølve eksamen byrjar eg ikkje på før prosjektbeskrivinga mi er i orden, so eg har smurt meg med tolmod og ventar spent på respons.

 

Oblig 08 levert

29 Mai

No gjenstår det berre å posta nokre fleire øvingsoppgåver, så er det sommarferie frå studiet. Kjennes heilt ok. Eg har blitt ferdig med obligatorisk oppgåve 08 i dag, og rapporten er levert, fire dagar før frist. Det er så inderleg fint med alt som er gjort!

Har ein ekstra motivasjon for å bli ferdig før fristen i at eg reiser på fototreff på torsdag, med foredrag og utstillingar, ekskursjonar og sosialt samvær. Håpar veret held seg sånn cirka, so må jo dette bli fett. Ekstra kjekt er det om mitt nye kamera er på plass til eg reiser også, og blir det som posten seier, er det ein 5d mark II som vert pakka i sekken på tur. Awsome.

Held fram med mitt illustrasjonsprosjekt med fuglane, og leverer i dag ei siland. Fin skapning å feira snart sommarferie med.

Interaktivitet – Action Script 3.0

16 Apr

Då har eg fått laga buttons som kan linka saman to bilete/scener i flash. Eg teikna symbolet med brushtool, slik at det vart litt spanande, dog griseenkelt. Eg la også til den teksten eg ville ha på kvar button, slik at det er oversiktleg for den som skal navigera å vite kva som skjer med å klikke på kvar enkelt.

Eg laga dokumentet i ein typisk nettstadstorleik – 1024 x 768 px, og importerte bileta eg ville ha på sidene til arkivet. Der la eg også dei to buttonsane, og då eg hadde alt klart, var det berre å holda scenene, layersene og kodinga under kontroll.

Ikkje så lett som eg trudde etter å ha sett videoleksjonen om dette, men eg fekk orden på det etter kvart, og i tillegg grei øving på å skriva dei ulike kodane i actoion script. Hurra.

Det eg merka meg var at eg måtte vera veldig påpasseleg med å vera i rett lag, i rett scene, til rett action. Eg klurte litt med at eg var inne i scene2 då eg eigentleg skulle vera i scene1 og slikt, samt nokre mellomrom som eg måtte luka vekk innimellom. Heller ikkje ein dans på roser om eg skulle nytta vanleg kolon eller semikolon, så her er det vel pirk som gjeld.

Til slutt gjekk det som eg ville, og eg fekk både buttonsene til å fungera slik dei skulle, og tykkjer i grunn at det var ei god oppgåve. Tok meg eit steg vidare mot gjennomføringa av oblig08, der eg verkeleg skal få brynt meg med fotoessayet som eit interaktivt bildegalleri i flash, og samstundes integrera dette i den enkle nettstaden eg laga i vinter. K.O.N.S.E.N.T.R.A.S.J.O.N. seier eg berre…

Her er iallfall ei lenke til løysinga mi, og eit bilete som illustrerer litt av greiene.

Plakat for AKKS Bergen

19 Mar

Ein plakat eg har laga for AKKS i Bergen, ein ideell origanisasjon som skal fremja jenter og kvinner i alle ledd i musikkbransjen. Ein kul sak, som eg lett kan engasjera meg i 🙂 Håper mange melder seg på!